საქმიანობის სფერო:

მშენებლობა

საქმიანობის სახე:

კონტროლი, შეამოწმება, შეფასება, მოთხოვნებისა და წესების დაცვით ტექნოლოგიებით მუშაობა, ტექსტური ინფორმაციის გაანალიზება და ორგანიზება, გამოთვლების გაკეთება.

მოკლე აღწერილობა

სამოქალაქო ინჟინერი არის სპეციალისტი, რომელიც აპროექტებს, აშენებს და არემონტებს შენობებსა და ნაგებობებს, ხიდებსა და გზებს, ასევე გეგმავს, ორგანიზებას და კოორდინაციას უწევს სამშენებლო სამუშაოებს.

სამოქალაქო ინჟინერს შეუძლია იმუშაოს საპროექტო ორგანიზაციაში ან უშუალოდ სამშენებლო მოედანზე. იმისდა მიხედვით, თუ სად მუშაობენ, სამოქალაქო ინჟინრების სამუშაო პასუხისმგებლობა შეიძლება განსხვავდებოდეს:

სამშენებლო ობიექტზე მომუშავე სამოქალაქო ინჟინერი აკონტროლებს შენობების და ნაგებობების მშენებლობის ან შეკეთების პროცესს, აკონტროლებს შესრულებული სამუშაოს ხარისხს, მართავს ზოგად სამშენებლო სამუშაოებს, ორმოს გათხრიდან გაზონების მონტაჟებამდე, ან შიდა საკომუნიკაციო სისტემების დამონტაჟებამდე ( გათბობა, ვენტილაცია, კანალიზაცია, ელექტროენერგია და ა.შ.).

საპროექტო ორგანიზაციაში მომუშავე სამოქალაქო ინჟინერი შეიმუშავებს მშენებლობის მთავარ გეგმას, რომელიც მოიცავს შენობების, ნაგებობების და გზების მდებარეობას. გარდა ამისა, სპეციალისტი ეწევა სამშენებლო სამუშაოების დაგეგმვას, ირჩევს მშენებლობისთვის აუცილებელ მასალებს, ითვლის და აპროექტებს საძირკველს, მზიდ და დამცავ კონსტრუქციებს (სტრუქტურის „ჩონჩხი“), ადგენს შეფასებებს და დოკუმენტაციას სამშენებლო სტანდარტებისთვის. იმის დადგენა, თუ რამდენი დრო, მუშა, ფული და მასალა დასჭირდება მშენებლობას.

სამშენებლო ინჟინერი ასევე ახორციელებს მშენებლობაზე საპროექტო ზედამხედველობას, ანუ აღრიცხავს შესრულებული სამუშაოს შესაბამისობას საპროექტო დოკუმენტაციასთან.

განათლების მიმართულება:

მშებენლობა

უმაღლესი სასწავლებლები: დიახ

პროფესიული სასწავლებლები: არა

სამოქალაქო ინჟინერის მთავარი მოვალეობებია:

• პროექტების დაგეგმვა და განვითარება: გზების, ხიდების, კაშხლების, შენობებისა და სხვა ინფრასტრუქტურის პროექტირება. პროექტების ტექნიკური დეტალების განსაზღვრა და შესაბამისი გეგმის შემუშავება.
• მასალებისა და კონსტრუქციების ანალიზი: სამშენებლო მასალებისა და კონსტრუქციის თვისებების შეფასება და მათი გამოყენების რეკომენდაცია.
• ბიუჯეტის და ვადების განსაზღვრა: პროექტის ღირებულების გაანგარიშება და ვადების შემუშავება.
• სამშენებლო პროცესის ზედამხედველობა: სამუშაო პროცესის კონტროლი და რეგულაციების დაცვა, ხარისხის შემოწმება.
• უსაფრთხოების უზრუნველყოფა: სამშენებლო და ექსპლუატაციის პროცესში უსაფრთხოების სტანდარტების დაცვა.
• დოკუმენტაციის და ანგარიშგების მომზადება: პროექტის ტექნიკური დოკუმენტაციის და პროგრესის ანგარიშების მომზადება