საქმიანობის სფერო

• ეკონომიკა, ფინანსები
• ბუღალტრული აღრიცხვა,
• დაზღვევა

 საქმინობის სახე

• ტექსტური ინფორმაციის გაანალიზება და ორგანიზება
• კვლევის ჩატარება და გათვლების გაკეთება
• ანგარიშების მომზადება ან გეგმის შემუშავება ეკონომიკური პრობლემების გადასაჭრელად
• ეკონომიკური და სტატისტიკური მონაცემების შეგროვება და დამუშავება ეკონომეტრიკული მეთოდების გამოყენებით.

პროფესიის აღწერილობა

ეკონომისტის მთავარი ამოცანაა ორგანიზაციის ფულის ისე განაწილება, რომ მინიმალური დანახარჯით მაქსიმალური მოგება მიიღოს. ეკონომისტი აკვირდება როგორ და რაზე ხარჯავს კომპანია ფულს, წყვეტს სად დაზოგოს და როგორ გაანაწილოს დაზოგილი თანხა, რათა  კომპანიამ არ გაწიოს უსარგებლო ხარჯები და გაზარდოს მოგებაგარდა ამისა, ეკონომისტის მუშაობა მოიცავს  წარმოების სხვადასხვა ხარჯების დაანგარიშებას: რამდენი მუშა, ფული და მასალაა საჭირო, მაგალითად, თვითმფრინავის ასაშენებლად ან  მთელი ქალაქი ელექტროენერგიით მომარაგებისთვის.

მოგების მიღების შემდეგ, ეკონომისტი ფიქრობს და ითვლის, თუ როგორ უნდა დაიხარჯოს კომპანიის თანხები, აფასებს ახალი პროექტების მომგებიანობას. კომპანიის ყველა შემოსავლისა და ხარჯის გაანალიზების შემდეგ, ეკონომისტმა უნდა შეაფასოს კომპანიის მუშაობა, ასევე შესთავაზოს ახალი გეგმა ორგანიზაციის ეფექტიანობის გასაუმჯობესებლად.

ეკონომისტი ითვლის თანამშრომლების ხელფასებს, ასევე, რამდენად სჭირდება კომპანიას ან ორგანიზაციას ახალი თანამშრომლები, შეუძლია თუ არა კომპანიას აანაზრაუროს მათი სამუშაო. გარდა ამისა, ეკონომისტებს შეუძლიათ კონსულტაცია გაუწიონ კომპანიებსა და ინდივიდებს, თუ სად უნდა დააბანდონ თანხები მეტი მოგების მიღების მიზნით.

ვინაიდან ეკონომისტის სამუშაო დაკავშირებულია გამოთვლებთან, მნიშვნელოვანია, რომ შეძლო და გიყვარდეს ციფრებთან მუშაობა. ერთმა არასწორმა რიცხვმა შეიძლება გამოიწვიოს უზარმაზარი ზარალი, ამიტომ მნიშვნელოვანია ეკონომისტი იყოს ძალიან ყურადღებიანი,  კეთილსინდისიერი და პასუხისმგებელობის მქონე ადამიანი.

ეკონომისტები დიდ დროს უთმობენ ანგარიშების და სხვადასხვა დოკუმენტების მომზადებას, ამიტომ ეკონომისტს დიდი ხნით უნდა შეეძლოს ერთფეროვანი საქმიანობა. საწარმოს წარმატების შეფასება მოითხოვს არა მხოლოდ სპეციალურ თეორიულ ცოდნას ეკონომიკაში, არამედ ანალიზისა და ლოგიკური აზროვნების კარგად განვითარებულ უნარებს. გარდა ამისა, ეკონომიკაში ვითარება მუდმივად იცვლება, ეკონომისტს სჭირდება მოქნილობა – ცვლილებებზე სწრაფი რეაგირების უნარი და აღმოცენებული პრობლემების გადაჭრის ახალი გზების ძიება.

პროფესიისთვის მნიშვნელოვანი  უნარები:

• სისტემური აზროვნება: სიტუაციის სხვადასხვა კუთხით განხილვისა და ყველა შესაძლო პირობის გათვალისწინების მისწრაფება;
• ორგანიზებულობა: სამუშაოს ვადებში შესრულება, დროის მართვა;
• ყურადღება: ყურადღების კონცენტრირება დეტალებზე;
• ანალიტიკური აზროვნება: მიზეზ-შედეგობრივი ურთიერთკავშირების იდენტიფიცირების უნარი;
• ინფორმაციის მოპოვება და დამუშავება – ყველა შესაბამისი წყაროდან ინფორმაციის მოძიება და დაკვირვება, დაშიფვრა, კატეგორიზაცია, გამოთვლა, ცხრილების შედგენა, აუდიტი ან გადამოწმება.

სად დავსაქმდები:

როგორც წესი, ეკონომისტები მუშაობენ სხვადასხვა  საწარმოების, ფინანსური და კომერციული საკონსულტაციო კომპანიების, საბიუჯეტო ორგანიზაციების, სამინისტროების, ბანკების, საინვესტიციო კომპანიებისა და ფინანსური ბირჟების, ასევე სადაზღვევო კომპანიების ეკონომიკური დაგეგმვის განყოფილებებში.

განათლების მიმართულება:

ეკონომიკა

უმაღლესი სასწავლებლები: დიახ

პროფესიული სასწავლებლები: არა

განათლების საფეხურები: ბაკალავრი, მაგისტრატურა, დოქტორანტურა