ელექტრული და ელექტრონული ინჟინერი

საქმიანობის სფერო:

ელექტრონული მოწყობილობების წარმოება

საქმიანობის სახე:

შექმნა, დიზაინი

ტექსტური ინფორმაციის გაანალიზება და ორგანიზება, გამოთვლების გაკეთება

კონტროლი, შემოწმება, შეფასება

მუშაობა ტექნოლოგიის მიხედვით, მოთხოვნებისა და წესების დაცვით

მოკლე აღწერილობა

კომპიუტერი, მობილური ტელეფონი, საყოფაცხოვრებო ტექნიკა და სხვა ელექტრონული მოწყობილობები – ეს ყველაფერი ჩვენს ცხოვრებას უფრო კომფორტულს ხდის. ელექტრომოწყობილობები საშუალებას გვაძლევს ნაკლები დრო დავუთმოთ რუტინულ საქმიანობას, როგორიცაა ჭურჭლის რეცხვა ან საჭმლის მომზადება, უფრო სწრაფად და ეფექტურად ვიმუშაოთ დიდი რაოდენობით ინფორმაციაზე, დავუკავშირდეთ და ვიმოგზაუროთ მსოფლიოში სახლიდან გაუსვლელად. ელექტრონიკის ინჟინერი ჩართულია ელექტრონული მოწყობილობების შემუშავებასა და ექსპლუატაციაში.

ელექტრონული ინჟინერი შეიმუშავებს ელექტრონულ სქემებს, აწყობს და ამოწმებს ელექტრონულ კომპონენტებს, რომლებიც პასუხისმგებელნი არიან ელექტრონული მოწყობილობებისა და ინსტრუმენტების მუშაობაზე. ელექტრონიკის ინჟინერი მუშაობს ელექტრონიკის წარმოების მრავალფეროვან სფეროებში.

მაგალითად, სპეციალისტს შეუძლია შექმნას ელექტრონული სქემები ისეთი სფეროებისთვის, როგორიცაა ტელეკომუნიკაცია (მაგ. მობილური ტელეფონის კომპონენტები), კოსმოსური ნავიგაცია (მაგ., სატელიტური მართვის სისტემები, თვითმფრინავების სანავიგაციო სისტემები), გემის მართვის სისტემები (მაგ., რადარები) და ა.შ.

ელექტრონიკის ინჟინერი ასევე უზრუნველყოფს ელექტრონული აღჭურვილობის გამართულ, მაღალი ხარისხის, სწორ ტექნიკურ მუშაობას და ახორციელებს რემონტს. სპეციალისტი ამზადებს მოწყობილობებს ექსპლუატაციისთვის, აკონტროლებს აღჭურვილობის ელექტრონული კომპონენტების საიმედოობას, ატარებს ტესტებს, რათა დროულად აღმოაჩინოს ხარვეზები და აღმოფხვრას ისინი. გარდა ამისა, ელექტრონული ინჟინერი გეგმავს და შეიმუშავებს მოდიფიკაციებს ელექტრონულ მოწყობილობებში მათი ფუნქციონირების გასაუმჯობესებლად.

ელექტრული და ელექტრონული ინჟინერიის ტექნოლოგიები, მიდგომები და მეთოდები დანერგილია თანამედროვე ტექნოლოგიური საზოგადოების ფუნქციონირების ნებისმიერ სფეროში, ესენია: ავტონომიური მოძრავი ტექნიკური საშუალებები, აერო- კოსმოსური და სამხედრო აპარატები, გამზომი ხელსაწყოები, ბიოსამედიცინო აპარატურა, ქიმიური ტექნოლოგიების მართვა, სამეცნიერო კვლევითი კომპლექსები და სხვ.

ამ სფეროში სპეციალიზაციის უამრავი შესაძლებლობა არსებობს: აუდიო, ვიზუალური და მსუბუქი ელექტრონული მოწყობილობების ჩათვლით; მართვის სისტემები და ავტომატიზაცია; და მიკროელექტრონიკა (კომპიუტერული ჩიპები) და ტელეკომუნიკაციები.

განათლების მიმართულება:

ელექტრო და ელექტრონული ინჟინერია

კომპიუტერული მეცნიერება და ინჟინერია

ელექტრული რადიოინჟინერია და საკომუნიკაციო სისტემები

ბიოტექნოლოგიები

უმაღლესი სასწავლებლები: დიახ

პროფესიული სასწავლებლები: არა

სამუშაო ვალდებულებები:

სისტემების დიზაინი და განვითარება: ელექტრონული სისტემების, სქემებისა და მიკროსქემების დაგეგმვა, დიზაინი და განვითარება; პროგრამული და აპარატურული ინტეგრაციის უზრუნველყოფა.
ტესტირება და დიაგნოსტიკა: ელექტრონული მოწყობილობების და სისტემების ტესტირება; ხარვეზების აღმოჩენა და მათი აღმოფხვრის მეთოდების შემუშავება.
ტექნიკური დოკუმენტაცია: პროექტების ტექნიკური დოკუმენტაციის შექმნა და მართვა; ნორმების, სტანდარტებისა და უსაფრთხოების წესების დაცვა.
მონტაჟი და მიგრაცია: სისტემების მონტაჟი, მიგრაცია და კომპონენტების განახლება; არსებული სისტემების ოპტიმიზაცია და გაუმჯობესება.
კვლევა და განვითარება: ინოვაციური ტექნოლოგიების შესწავლა და დანერგვა; ახალ სისტემებსა და გადაწყვეტილებებზე მუშაობა.
გუნდისთან თანამშრომლობა: პროექტებზე სხვადასხვა დეპარტამენტებთან კომუნიკაცია; მომხმარებლისთვის ტექნიკური მხარდაჭერის უზრუნველყოფა.

სად დავსაქმდები:

საავტომობილო და საავიაციო ინდუსტრია
ტელესაკომუნიკაციო კომპანიები საქართველოში, როგორიცაა: მაგთიკომი, სილქნეტი, ბილაინი;
საინჟინრო დარგში პროგრამული უზრუნველყოფის კომპანიები: EMCoS, Alta, Azri, UGT და სხვა;
ინდუსტრიული წარმოება;
სანავიგაციო სამსახურები, აეროპორტები და სხვა დაწესებულებები, სადაც ხდება პროცესების მართვა და კონტროლი
მეცნიერება და ნანოტექნოლოგიები;

სამედიცინო დაწესებულებები;

საჭირო კომპეტენციები:

პრობლემების გადაჭრის უნარი: სწრაფი და ეფექტური გზების პოვნა ტექნიკური ხარვეზებისა და პრობლემების მოსაგვარებლად.
დეტალებზე ორიენტირებულობა: სიზუსტე და ყურადღება თითოეულ დეტალზე, რაც აუცილებელია სისტემების გამართულად ფუნქციონირებისთვის.
ინოვაციურობა: ახალი იდეების გენერირება და თანამედროვე ტექნოლოგიების დანერგვა.
კომუნიკაციის უნარი: გუნდთან, კოლეგებთან და მომხმარებლებთან ეფექტიანი კომუნიკაცია, ტექნიკური საკითხების მარტივი ენით ახსნის უნარი.
გუნდური მუშაობა: მრავალდისციპლინარულ გუნდში მუშაობის უნარი და თანამშრომლობის კულტურა.
პროექტების და დროის მართვა: პროექტებზე მუშაობის დროს პრიორიტეტების სწორად განსაზღვრა, პროექტის მიზნების განსაზღვრა, დროის მართვა და ბიუჯეტის კონტროლი.
ადაპტაციის უნარი: სწრაფად ცვლადი ტექნოლოგიების პირობებში ახალ გარემოსა და მოთხოვნებთან მორგება.
სტრესის მართვა: რთული სიტუაციების ეფექტიანად მართვის უნარი და სამუშაო დატვირთვის დაბალანსება.

პროფესიის დადებითი მხარეები:

მაღალი მოთხოვნა: თანამედროვე სამყაროში ტექნოლოგიების სწრაფი განვითარება ზრდის ელექტრონული ინჟინრების მოთხოვნას.
სხვადასხვა სფეროებში დასაქმების შესაძლებლობა: ავტომობილების, ტელეკომუნიკაციის, ენერგეტიკის, სამედიცინო ტექნოლოგიების და სხვა ინდუსტრიებში მუშაობის შესაძლებლობა.
საინტერესო და მრავალფეროვანი სამუშაო: ინოვაციური ტექნოლოგიების შექმნა და მათი დანერგვა რეალურ ცხოვრებაში.
კარგი ფინანსური პერსპექტივები: მაღალანაზღაურებადი სამუშაო ადგილები, განსაკუთრებით გამოცდილი ინჟინრებისთვის.
გლობალური კარიერული შესაძლებლობები: ელექტრონული ინჟინრების კვალიფიკაცია საერთაშორისოდ აღიარებულია, რაც საზღვარგარეთ დასაქმების შესაძლებლობას იძლევა.

პროფესიის უარყოფითი მხარეები:

სტრესი და გადატვირთვა: რთული პროექტები, მკაცრი ვადები და მუდმივი კონცენტრაციის მოთხოვნა შეიძლება სტრესის წყარო გახდეს.
განვითარების მუდმივი აუცილებლობა: ტექნოლოგიები მუდმივად იცვლება, ამიტომ ინჟინრებს უწევთ სწავლა და ცოდნის რეგულარული განახლება.
სამუშაოს სპეციფიკა: ზოგჯერ სამუშაო გარემო (მაგალითად, სერვერულ ოთახებში ან საწარმოებში) შეიძლება იყოს არასასიამოვნო ან საფრთხილო.
ხანგრძლივი სამუშაო საათები: განსაკუთრებით რთული პროექტების დროს, შესაძლებელია დამატებითი საათების მუშაობა ან შაბათ-კვირას დასაქმება.
ფიზიკური დატვირთვა: მოწყობილობებთან მუშაობა, ინსტალაცია ან ტექნიკური მომსახურება შეიძლება მოითხოვდეს ფიზიკურ ძალისხმევას.