საქმიანობის სფერო

საბუნებისმეტყველო მეცნიერებები, მედიცინა

საქმინობის სახე

კვლევა, მეცნიერება, ექსპერიმენტი, ახალი ცოდნის მიღება

ინფორმაციის გაანალიზება და ორგანიზება, გათვლების გაკეთება

მოკლე აღწერილობა

გენეტიკა ახალგაზრდა, მაგრამ სწრაფად განვითარებადი სფეროა, ვინაიდან გენეტიკის სფეროში აღმოჩენებმა შეიძლება მნიშვნელოვნად გაახანგრძლივოს ადამიანის სიცოცხლე და მისი ხარისხი. გენეტიკის წყალობით შესაძლებელი გახდება სასურველი თვისებების მქონე პროდუქტების ადვილად მიღება, სხვადასხვა გენეტიკური დაავადების იდენტიფიცირება და მკურნალობა მუცლადყოფნის პერიოდში, ისეთი როგორიცაა დაუნის სინდრომი ან პატაუს სინდრომი.

გენეტიკოსი არის მეცნიერი, რომელიც სწავლობს ცოცხალ ორგანიზმებში მემკვიდრეობით კანონზომიერება და ცვლილებებს, ასევე ამ პროცესების მართვის მეთოდებს. გენეტიკოსების მიერ ჩატარებული კვლევები ფართოდ გამოიყენება პრაქტიკაში – კრიმინილისტიკაში, მედიცინაში, სოფლის მეურნეობაში, მიკრობიოლოგიურ მრეწველობასა და გენურ ინჟინერიაში. მაგალითად, გენეტიკოსების მუშაობის წყალობით შესაძლებელია სერიოზული მემკვიდრეობითი დაავადებების შესაძლო რისკების პროგნოზირება და შემცირება, ყინვაგამძლე ბოსტნეულისა და ხილის გამოყვანა, სოფლის მეურნეობის პროდუქტების მოსავლიანობისა და შენახვის ვადების გაზრდა, ახალი სახეობების შექმნა. ნარკოტიკების, დამნაშავეების პოვნა მათ მიერ დატოვებული კვალით (მაგალითად, ოფლი, სისხლი, ნერწყვი) და მომავალში ხელოვნურად შეიქმნას ადამიანის ორგანოები ტრანსპლანტაციისთვის.

გენეტიკური კონსულტანტი არის ექიმი, რომელიც აფასებს სხვადასხვა  ინდივიდუალურ ან ოჯახურ გენეტიკურ დაავადებათა არსებობის და გადაცემის რისკს. ინფორმაციას გადასცემს  ორსულს ნაყოფის გენეტიკური პათოლოგიების შესახებ. შესაძლო გენეტიკური დაავადებები რისკების შესამცირებლად, კონსულტაციას უწევს ქალებს და აძლევს რჩევებს ორსულობის დაგეგმვასთან დაკავშირებით, ასევე ატარებს გენეტიკურ გამოკვლევებს მამობის დასადგენად.

განათლების მიმართულება:

ბიოლოგიურ მეცნიერებები, მედიცინა

უმაღლესი სასწავლებლები: დიახ

პროფესიული სასწავლებლები: არა

სამუშაო ვალდებულებები:

• კვლევების ჩატარება: გენეტიკური პროცესების შესწავლა, გენომის ანალიზი და მონაცემთა ინტერპრეტაცია.
• დატესტვა: გენეტიკური დაავადებების დიაგნოსტიკა ლაბორატორიული კვლევების გზით.
• განვითარება: ახალი გენეტიკური მეთოდების და ტექნოლოგიების შექმნა, მაგალითად, CRISPR ტექნოლოგიის გამოყენება.
• კონსულტირება: პაციენტებთან მუშაობა, გენეტიკური დაავადებების რისკების ახსნა და გენეტიკური ტესტირების შედეგების განხილვა.
• კვლევითი პროექტების ხელმძღვანელობა: მონაცემთა შეგროვება და ანალიზი, სამეცნიერო სტატიების წერა და გამოქვეყნება.