საქმიანობის სფერო

მომპოვებელი მრეწველობა

საქმინობის სახე

კონკრეტული, პრაქტიკული ამოცანების გადაჭრა, რაიმეს კეთება საკუთარი ხელით

შრომის იარაღი

ჩაქუჩის, კომპასი რუქა,  GPS მოწყობილობები,ციფრულ კამერები, ლეპტოპი, გეოფიზიკური აღჭურვილობა, ელექტრონული მიკროსკოპები და სპეციალური კომპიუტერული პროგრამები.

მოკლე აღწერილობა

გეოლოგი არის სპეციალისტი, რომელიც სწავლობს დედამიწის ქერქის აგებულებას, შემადგენლობას და მოძრაობას, დედამიწის ფიზიკურ და ქიმიურ თვისებებს, ეძებს და სწავლობს ბუნებრივი რესურსების საბადოებს.

მათემატიკის, ფიზიკის, ქიმიის ცოდნის დახმარებით გეოლოგი აფასებს საბადოების პრაქტიკული გამოყენების შესაძლებლობასა და პერსპექტივებს. გარდა ამისა, ეკოლოგიასთან და მიწის რესურსების გამოყენებასთან დაკავშირებული პრობლემების გადაწყვეტა, მაგალითად, ნარჩენების განთავსების ან მიწის გამოყენებისა და მელიორაციის საკითხები, გეოლოგის გარეშე არ შეიძლება. ხშირად გეოლოგი მჭიდროდ თანამშრომლობს სამთო ინჟინერთან.

სამთო ინჟინერი, გეოლოგისგან მიღებული წიაღისეულის საბადოს მახასიათებლების შესახებ მონაცემების საფუძველზე, საბადოს ადგილმდებარეობის ტექნიკურ უზრუნველყოფაზე ზრუნავს. სამთო ინჟინერი ეწევა დედამიწის ქერქში მაღაროების პროექტირებას და მშენებლობას, რომლებიც აუცილებელია საბადოს გახსნისთვის, მინერალების ტრანსპორტირებისთვის, საბადოების დრენაჟისთვის და ვენტილაციისთვის. მაგალითად, სამთო ინჟინრები ჩართულნი არიან ნავთობის წარმოებისთვის საბურღი დანადგარების დიზაინში.

განათლების მიმართულება:

დედამიწის შემსწავლელი მეცნიერებები

გამოყენებითი გეოლოგია, სამთო საქმე, ნავთობპროდუქტები და გეოდეზია

სპეციალიზაცია:

• ნავთობპროდუქტების გეოლოგი
• გეოლოგ -ინჟინერი,
• სამთო-ინჟინერი
• ტექნიკური გეოლოგი

უმაღლესი სასწავლებლები: დიახ

პროფესიული სასწავლებლები: დიახ

სამუშაო ვალდებულებები:

• დედამიწის სტრუქტურის და პროცესების კვლევა: ქანების, მინერალების და ნიადაგის შემადგენლობის ანალიზი, მიწისძვრებისა და ვულკანური აქტივობების კვლევა.
• რესურსების ძიება და შეფასება: ნავთობის, ბუნებრივი გაზის, მინერალების და სხვა რესურსების აღმოჩენა, საბადოების შეფასება და მათი ეკონომიკური პოტენციალის ანალიზი.
• საველე მუშაობა: ნიმუშების შეგროვება და მათი ლაბორატორიული ანალიზი, გეოლოგიური რუკების შექმნა და მონაცემთა დამუშავება.
• გეოლოგიური საფრთხეების შეფასება: მეწყერების, მიწისძვრებისა და სხვა გეოლოგიური რისკების პროგნოზირება, რეკომენდაციების შემუშავება გარემოსდაცვითი უსაფრთხოების უზრუნველყოფისთვის.
• კვლევითი და ტექნიკური საქმიანობა: თანამედროვე ინსტრუმენტებისა და ტექნოლოგიების გამოყენება მონაცემთა შეგროვებასა და ანალიზისთვის, სამეცნიერო სტატიების და კვლევების მომზადება.
• ინფრასტრუქტურის მხარდაჭერა: სამშენებლო პროექტებისთვის ნიადაგისა და ქანების შესაფასებლად მონაცემების მიწოდება, ინჟინერიასა და მშენებლობაში გეოლოგიური ინფორმაციის გამოყენება.