საქმიანობის სფერო:

პედაგოგიკა

საქმიანობის სახე:

სწავლება, ურთიერთობა, მომსახურება,დახმარება

მოკლე აღწერილობა

დაწყებითი სკოლის მასწავლებელი არის პედაგოგი, რომელიც ასწავლის დაწყებითი სკოლის ასაკის ბავშვებს. დაწყებითი საფეხურის მასწავლებლის მთავარი პასუხისმგებლობაა დაწყებითი სკოლის საგანმანათლებლო პროგრამების შესაბამისად პედაგოგიური პროცესის განხორციელება.

პირველი მასწავლებელი ერთდროულად არის  პედაგოგი, აღმზრდელი და ფსიქოლოგი, იგი ეხმარება მოსწავლეს თანატოლებთან ადაპტირებასა და სასწავლო პროცესში ინტეგრაციაში. ატარებს გაკვეთილს ყველა დისციპლინაში, აწყობს გასართობ ღონისძიებებს, სასკოლო შეკრებების ორგანიზებას, საგანმანათლებლო-გასართობ წრეებს, დასვენებას.

დაწყებითი კლასის მასწავლებელი არის პროფესიონალი, რომელიც მიზნად ისახავს ბავშვს შეძინოს არა მხოლოდ ცოდნა მის გარშემო არსებული სამყაროს შესახებ, არამედ გამოავლინოს და დაანახოს ბავშვს მისი შესაძლებლობები, რაც დაეხმარება ბავშვს სამყაროსთან ადამპტაციაში.

განათლების მიმართულება:

პედაგოგიური

უმაღლესი სასწავლებლები: დიახ

პროფესიული სასწავლებლები: არა

სამუშაო ვალდებულებები:

• სასწავლო პროცესის ორგანიზება: დაწყებითი კლასებისთვის შესაბამისი საგაკვეთილო გეგმების შედგენა და განხორციელება. ბავშვების აკადემიური და სოციალური განვითარებისთვის სასწავლო მასალების შერჩევა.
• კომუნიკაცია და თანამშრომლობა: მშობლებთან რეგულარული კონტაქტი ბავშვების განვითარებისა და საჭიროებების გასაზიარებლად. სკოლაში სხვა მასწავლებლებთან და ადმინისტრაციასთან თანამშრომლობა.
• ინდივიდუალური მიდგომა: თითოეული ბავშვის ინდივიდუალური საჭიროებებისა და შესაძლებლობების გათვალისწინება. სასწავლო პროცესის ადაპტაცია ბავშვთა განსხვავებული უნარების შესაბამისად.
• შეფასება და მონიტორინგი: ბავშვების პროგრესის რეგულარული შეფასება. პრობლემების აღმოჩენა და მათი გამოსწორების გზების ძიება.