საქმიანობის სფერო

საჯარო სამსახური, არაკომერციული ორგანიზაციები

საქმინობის სახე

მართვა, ხელმძღვანელობა, ორგანიზება

მოკლე აღწერილობა

დიპლომატია საგარეო პოლიტიკის ერთ-ერთი ინსტრუმენტია, რომელიც უცხო ქვეყნებთან ურთიერთობებში სახელმწიფოს მიზნების შესრულებას ემსახურება. სხვაგვარად რომ ვთქვათ, დიპლომატია სახელმწიფოსა და მთავრობის მეთაურთა და საგარეო ურთიერთობების ორგანოთა ოფიციალური საქმიანობაა, საგარეო-პოლიტიკური მიზნების განსახორციელბლად და სახელმწიფო ინტერესების დასაცავად საზღვრებს გარეთ.

დიპლომატია ხორციელდება როგორც ორმხრივ, ასევე მრავალმხრივ ფორმატში. ორმხრივი დიპლომატია გულისხმობს ურთიერთობას ორ სახელმწიფოს შორის. მრავალმხრივი დიპლომატია კი მოიცავს რამდენიმე ქვეყანას შორის ურთიერთობას.

დიპლომატების ამოცანაა განახორციელონ კომპლექსური საქმიანობა თავიანთი ქვეყნის ინტერესების დაცვის მიზნით. დიპლომატები მოლაპარაკებებს აწარმოებენ სხვა ქვეყნების წარმომადგენლებთან, კომერციულ, საზოგადოებრივ, რელიგიურ და პოლიტიკურ ორგანიზაციებთან (როგორც საშინაო, ასევე უცხოური), აფორმებენ შეთანხმებებს, რომლებიც მაქსიმალურად აკმაყოფილებს მათი ქვეყნის საგარეო და შიდა ინტერესებს არსებული გარემოებების გათვალისწინებით.

დიპლომატებს აქვთ საერთაშორისო ხელშეკრულებებით განსაზღვრული დიპლომატიური წოდება და აქვთ დიპლომატიური იმუნიტეტი. ერთ ქვეყანაში დიპლომატიური საქმიანობა არ აღემატება 5 წელს; ამის შემდეგ დიპლომატს სამშობლოში იწვევენ და ახალ თანამდებობაზე ნიშნავენ. დიპლომატის სამსახური დიდ პასუხისმგებლობას და ძალიან სერიოზულ მოთხოვნებს უყენებს კანდიდატებს.

განათლების მიმართულება:

• დიპლომატია
• საერთაშორისო ურთიერთობები

უმაღლესი სასწავლებლები: დიახ

პროფესიული სასწავლებლები: არა

სად დავსაქმდები:

• საგარეო საქმეთა სამინისტრო
• საერთაშორისო კორპორაციების PR სამსახურები

საჭირო კომპეტენციები:

• კონტაქტების დამყარება: სხვა ადამიანთან საერთო ენის ადვილად პოვნის უნარი
• მოლაპარაკებების წარმოების და დარწმუნების უნარი
• სისტემური აზროვნება
• ადაპტურობა
• ლოგიკური და კრიტიკული აზროვნება
• ყურადღებიანი დეტალების მიმართ
• ზოგადი განათლება და ინტელექტი
• პასუხისმგებლობა
• შრომისმოყვარეობა