საქმიანობის სფერო

ბუნება, ნიშანთა სისტემები (ინფორმაცია), ტექნოლოგია

საქმინობის სახე

კონტროლი, ანალიზი და შეფასება, კვლევა, ოპტიმიზაცია

მოკლე აღწერილობა

თანამედროვე მსოფლიოში ატმოსფეროს და ბუნების მდგომარეობის გათვალისწინებით, ეკოლოგიის პროფესიის მნიშვნელობა ყოველწლიურად იზრდება, ისევე როგორც ამ სპეციალისტების ცოდნისა და გამოცდილების მოთხოვნები. ეკოლოგი არის სპეციალისტი, რომელიც  აანალიზებს წყლის, დედამიწის, ჰაერის, მცენარეების, ცხოველების მდგომარეობას და ასევე შეისწავლის ბუნებრივი გარემოსა და საკვების გავლენას ადამიანის ჯანმრთელობაზე.

ეკოლოგი ახდენს გარემოში არსებული საფრთხის ამჟამინდელი და პოტენციური წყაროების იდენტიფიკაციას და კლასიფიკაციას, განსაზღვრავს მის წარმოშობას, ბუნებას, ხარისხს, მასშტაბს, რეალურ და პროგნოზირებულ შედეგებს. არსებული და სამომავლო გარემოსდაცვითი სტანდარტებისა და რეგულაციების გათვალისწინებით, იგი შეიმუშავებს გარემოს დაცვის ზომებს,  თვალს ადევნებს განხორციელებას და აკონტროლებს შედეგებს საკანონმდებლო აქტების შესაბამისად. განმარტავს და ხელს უწყობს გარემოს დაცვის მიზნებსა და მნიშვნელობას მედიის საშუალებით. აანალიზებს სიტუაციებს, ავითარებს ბუნებაში არსებული და შესაძლო ზიანის შემცირების ზომებს. იხილავს ბუნებრივი კატასტროფების მიზეზებს და ქმნის შესაძლებლობებს შეამციროს ადამიანის გავლენის ფაქტორი ბუნებაზე.

ეკოლოგები შეისწავლიან წყლის, მიწის, ჰაერის მდგომარეობას, სამრეწველო ნარჩენების გავლენას მცენარეებზე, ცხოველებსა და ადამიანებზე. თუ მავნე ნივთიერებების შემცველობა კრიტიკულ დონეზე მაღალია, მიზეზები იდენტიფიცირდება ეკოლოგების მიერ რათა დროულად დაიგეგმოს პრევენციისა და აღმოფხვრის გზები.  ექსპერტები სწავლობენ კოსმოსური რაკეტების გაშვების შემდგომ ჰაერის შემადგენლობას, აკონტროლებენ სხვადასხვა მრეწველობის საქმიანობას და რადიოაქტიური ნარჩენების განთავსების დაცულობას. ასევე, არცერთი მშენებლობა არ იწყება ეკოლოგის მიერ გარემოზე ზემოქმედების შეფასების და მისი დადებითი შედეგის გარეშე.

განათლების მიმართულება:

ეკოლოგია

დედამიწის შემსწავლელი მეცნიერებები

უმაღლესი სასწავლებლები: დიახ

პროფესიული სასწავლებლები: არა

სამუშაო ვალდებულებები:

• ბუნებრივი რესურსების, მცენარეებისა და ცხოველთა სახეობების კვლევა;
• გარემოს ხარისხის მონიტორინგი და ანალიზი;
• ეკოლოგიური პროექტების შემუშავება და განხორციელება;
• კონსულტაციები სახელმწიფო და კერძო სექტორში გარემოსდაცვით საკითხებზე;
• ეკოლოგიური განათლების ხელშეწყობა და საზოგადოების ცნობიერების ამაღლება.