სკოლამდელი განათლების პედაგოგი

საქმიანობის სფერო

განათლება

საქმინობის სახე

ადამიანებთან კომუნიკაცია. დახმარება, ორგანიზება

მოკლე აღწერილობა

სკოლამდელი განათლების პედაგოგი არის პირი, რომელიც მუშაობს 0-დან 6-7 წლამდე ასაკის ბავშვებთან და მცირეწლოვანი ბავშვების აღზრდისა და განვითარების სპეციალისტები არიან. მათი საქმიანობა მოიცავს სკოლამდელი ასაკის ბავშვების მოვლას, მეთვალყურეობას, აღზრდას, ბავშვის ინტელექტუალურ, ემოციურ და სოციალური უნარების განვითარებას, ხელს უწყობს გარემოსთან ურთიერთობის უნარ-ჩვევების ჩამოყალიბებას და ამზადებს ბავშვებს სკოლისათვის.

სკოლამდელი განათლების სპეციალისტი ასევე მოთხოვნადია ბავშვთა სახლებში, სკოლა-ინტერნატებში და სხვა საგანმანათლებლო დაწესებულებებში.

დამატებითი განათლების მასწავლებლები არიან სპეციალისტები, რომლებიც აწყობენ სექციებს, წრეებს, სტუდიებს და კლუბებს სკოლამდელი და დაწყებითი სკოლის მოსწავლეებისთვის, სადაც ისინი უზრუნველყოფენ სასკოლო დისციპლინების სიღრმისეულ ცოდნას ან ავითარებენ უნარებს, რომლებიც სცილდება სკოლის სასწავლო გეგმას. დამატებითი განათლების მასწავლებლები ატარებენ სხვადასხვა აქტივობას სპორტულ სექციებში, ცეკვაში, გამოყენებითი ხელოვნებაში, თეატრალური უნარების განვითარებისთვის, რობოტიკის შესასწავლად და ბევრ სხვა საინტერესო განმავითარებელ აქტივობას ბავშვებისთვის.

განათლების მიმართულება:

განათლება და პედაგოგიკა

უმაღლესი სასწავლებლები: დიახ

პროფესიული სასწავლებლები: დიახ

ძირითადი მოვალეობები:

სასწავლო და გასართობი აქტივობების დაგეგმვა და განხორციელება.
ბავშვების ინდივიდუალური საჭიროებების შეფასება და მათი შესაბამისი განვითარება.
კომუნიკაცია მშობლებთან, რათა მათ მიაწოდოს ინფორმაცია ბავშვის შესახებ.
ბავშვის უსაფრთხო გარემოს უზრუნველყოფა.
თანამედროვე განათლების მეთოდებისა და მიდგომების გამოყენება.

სად დავსაქმდები:

საბავშვო ბაღები
კომერციული საბავშვო ბაღები
შემოქმედებითი სახლები
კულტურის სახლები
სკოლამდელი განვითარების ცენტრები
კერძო რეპეტიტორი, გუვერნანტი

საჭირო კომპეტენციები:

კომუნიკაბელობა
გამართული მეტყველება და წერის უნარი
კარგი მოსაუბრე
ემოციური ინტელექტი
თავდაჯერებულობა
მეგობრობა
პოზიტიური დამოკიდებულება
თანაგრძნობის უნარი
მოწესრიგებული იერსახე
მოთმინება
სტრესმედეგობა
ორგანიზებულობა
მოტივაცია
კრეატიულობა
ცნობისმოყვარეობა

პროფესიის დადებითი მხარეები:

ბავშვებთან მუშაობის სიყვარული: ამ პროფესიის ყველაზე დიდი სიამოვნება ბავშვებთან ურთიერთობა, მათი განვითარების პროცესის დანახვა და ამ პროცესში მონაწილეობაა.
შემოქმედებითი სამუშაო: სპეციალისტს შეუძლია გამოიყენოს ინოვაციური და შემოქმედებითი მიდგომები.
პოზიტიური გავლენა მომავალ თაობაზე: სპეციალისტი მნიშვნელოვან როლს ასრულებს ბავშვის პიროვნების ჩამოყალიბებაში.
სამუშაოს სტაბილურობა: სკოლამდელი განათლების სპეციალისტები ყოველთვის მოთხოვნადნი არიან, განსაკუთრებით მაღალკვალიფიციური კადრები.
სოციალური ურთიერთობები: სპეციალისტი ხშირად თანამშრომლობს მშობლებთან, კოლეგებთან და სხვადასხვა სპეციალისტთან, რაც ხელს უწყობს პროფესიულ ზრდას.

პროფესიის უარყოფითი მხარეები:

ფიზიკური და ემოციური დატვირთვა: ბავშვებთან მუშაობა ხშირად მოითხოვს დიდ ენერგიას და მოთმინებას.
დაბალი ანაზღაურება: ბევრ ქვეყანაში სკოლამდელი განათლების სპეციალისტების ანაზღაურება არ შეესაბამება მათი შრომის მოცულობას.
დატვირთული განრიგი: სპეციალისტს ხშირად უწევს აქტივობების დაგეგმვას და მომზადებას სამუშაო საათების მიღმაც.
პასუხისმგებლობის მაღალი დონე: ბავშვების უსაფრთხოება და მათი განვითარების პროცესის უზრუნველყოფა მოითხოვს დიდი პასუხისმგებლობის გრძნობას.
პროფესიული ზრდის შეზღუდული შესაძლებლობები: ზოგიერთ ქვეყანაში ამ სფეროში კარიერული ზრდა შეზღუდულია.