საქმიანობის სფერო

სოციალური მეცნიერებები

საქმინობის სახე

ტექსტური ინფორმაციის გაანალიზება და ორგანიზება, გათვლების გაკეთება,

მოკლე აღწერილობა

სოციოლოგი არის პროფესიონალი, რომელიც სწავლობს საზოგადოების ქცევას, სტრუქტურას, კულტურასა და სოციალური ურთიერთობების დინამიკას. სოციოლოგიის მიზანია სოციალური მოვლენების მიზეზებისა და შედეგების გაგება, რაც შემდგომში შეიძლება გამოყენებულ იქნას სოციალური პრობლემების გადაჭრაში ან საზოგადოების განვითარების პროცესებში.

სოციოლოგი დაკავებულია საზოგადოებისა და მასში მიმდინარე პროცესების შესწავლით. აუცილებელ საჭიროებას წარმოადგენს იმის ცოდნა,  თუ როგორ მუშაობს საზოგადოება ახლა, რათა გათვალისწინებულ იქნას სოციალური პროცესების გავლენა ცხოვრების სხვადასხვა ასპექტზე, იმის პროგნოზირება, თუ როგორ შეიცვლება სოციალური მდგომარეობა მომავალში, რათა შესაძლებელი იყოს სოციალური მოვლენების მართვა.

სოციოლოგიური კვლევის მონაცემები, მაგალითად, საზოგადოებრივი აზრის ანალიზი, საჭიროა პოლიტიკისა და საჯარო ადმინისტრაციის, ასევე სავაჭრო კომპანიების და მედიის სფეროში, რათა დროულად მოახდინონ თავიანთი განვითარების კურსის კორექტირება უახლესი სოციალური ტენდენციების მოთხოვნების შესაბამისად.

სოციოლოგ-სტატისტიკოსი შეისწავლის სოციალურ პროცესებს, აგროვებს და აანალიზებს მონაცემებს და მათ საფუძველზე ქმნის პროგნოზებს და რეკომენდაციებს. ეს პროფესია განსაკუთრებით მნიშვნელოვანია ისეთი საკითხების კვლევისას, რომლებიც მოითხოვს დიდი მოცულობის მონაცემების დამუშავებასა და სტატისტიკურ ანალიზს.

სოციოლოგ-სტატისტიკოს უნდა შეეძლოს კვლევის დაგეგმვა: დაადგინოს, კონკრეტულად რა არის გასარკვევი, რა მეთოდები უნდა გამოიყენოს ამისათვის და როგორ მოაწყოს მონაცემთა შეგროვებისა და დამუშავების პროცესი. ის ჩართულია კვლევებში, მონაცემთა დამუშავებასა და შედეგების ანალიზში. მონაცემების დასამუშავებლად გამოიყენება სტატისტიკური მეთოდები.

თანამედროვე სოციოლოგი იყენებს სპეციალურ კომპიუტერულ პროგრამებს სტატისტიკური ანალიზისთვის. შედეგების საფუძველზე შესაძლებელია საზოგადოების მდგომარეობის შესახებ დასკვნების გამოტანა, სოციალურ ვითარებასთან ადაპტაციის კონკრეტული რეკომენდაციების შემუშავება ან მისი შეცვლის გზების ძიება.

განათლების მიმართულება:

სოციოლოგია და სოციალური მუშაობა

უმაღლესი სასწავლებლები: დიახ

პროფესიული სასწავლებლები: არა

სამუშაო ვალდებულებები

მონაცემთა შეგროვება:

• სოციალური კვლევების ორგანიზება, რაც მოიცავს კითხვარების, გამოკითხვებისა და ინტერვიუების შექმნას.
• დიდი მოცულობის მონაცემთა შეგროვება სოციოლოგიური პრობლემების შესწავლისთვის.

სტატისტიკური ანალიზი:

• მონაცემთა დამუშავება და სტატისტიკური მეთოდების გამოყენება, როგორიცაა რეგრესიული ანალიზი, კოორელაცია და ტენდენციების პროგნოზირება.
• მონაცემთა ვიზუალიზაცია გრაფიკების, ცხრილებისა და დიაგრამების სახით.

რეპორტების შედგენა:

• ანალიზის შედეგების პრეზენტაცია სამეცნიერო, საჯარო ან კერძო სექტორისთვის.
• რეკომენდაციების მიწოდება პოლიტიკის შემუშავებისა და სოციალური პროგრამების დასახვეწად.

საზოგადოების კვლევის მხარდაჭერა:

• კონკრეტულ სოციალური საკითხების, მაგალითად, სიღარიბის, განათლების ხელმისაწვდომობის ან დემოგრაფიული ცვლილებების შესწავლა.

მეთოდოლოგიის განვითარება:

• ახალი სტატისტიკური მეთოდებისა და ინსტრუმენტების დანერგვა სოციალური კვლევებისთვის.