საქმიანობის სფერო

ტურიზმი, სასტუმრო და რესტორნების ბიზნესი

საქმინობის სახე

ადამიანებთან კომუნიკაცია (დახმარება, მომსახურება, რჩევა)

მოკლე აღწერილობა

ტურიზმის მენეჯერი ეწევა სამუშაოების მთელ სპექტრს ინტეგრირებული ტურისტული პროდუქტის შემუშავებაზე, სხვადასხვა ტურებზე (შვებულებები,  არდადეგები მთასა და ზღვაზე, ღირსშესანიშნაობების სანახაობრივი ტურები და ა.შ.). ტურიზმის მენეჯერი, ყველაზე ხშირად  არის ტუროპერატორი, კომპანიის თანამშრომელი, რომელიც გთავაზობთ მზა ტურისტულ პროდუქტებს. მისი მოვალეობები მოიცავს ტურისტული სერვისების ბაზარზე მოთხოვნის ანალიზს, ახალი პროდუქტის ზოგადი კონცეფციის ჩამოყალიბებას, ასევე სასტუმროებთან, გადამზიდავ კომპანიებთან და საექსკურსიო ბიუროებთან ხელშეკრულებების გაფორმებას.

გარდა ამისა, იგი დაკავებულია მზა პროდუქტის რეკლამით, აფორმებს კონტრაქტებს ტურისტული პროდუქტის გაყიდვის შესახებ ტურისტულ სააგენტოებთან. ტურიზმის მენეჯერის სავალდებულო მოთხოვნაა უმაღლესი განათლება მომსახურებისა და ტურიზმის მიმართულებით.

ტურიზმის სპეციალისტს, მენეჯერისგან განსხვავებით, არ სჭირდება უმაღლესი განათლება. ტურიზმის სპეციალისტი ყველაზე ხშირად ტურისტული სააგენტოს თანამშრომელია. მისი პასუხისმგებლობა მოიცავს, ძირითადად, კლიენტებთან მუშაობას. ის კონსულტაციას უწევს კლიენტებს იმ ტურებზე, რომლებიც კომპანიას აქვს, ეხმარება ავიაბილეთების, სასტუმროების დაჯავშნაში და ამზადებს მოგზაურობისთვის აუცილებელ დოკუმენტებს. ის ასევე ჩართულია მომხმარებელთა მხარდაჭერაში – ოპერატიულად აგვარებს კლიენტის პრობლემებს, როგორიცაა ფრენის გაუქმება, სასტუმროში ოთახების ნაკლებობა, პასპორტის დაკარგვა ან ავადობა ტურის პერიოდში.

განათლების მიმართულება:

• ტურიზმის მენეჯმენტი

უმაღლესი სასწავლებლები: დიახ

პროფესიული სასწავლებლები: დიახ

სამუშაო მოვალეობები:

• სტრატეგიული მენეჯმენტი: სასტუმროსა და ტურისტული სერვისების მართვა, მათი ოპტიმიზაცია და სტრატეგიული დაგეგმვა.
• კლიენტების მომსახურება: სტუმრებისთვის მაღალი ხარისხის მომსახურების უზრუნველყოფა და მათი მოთხოვნების დაკმაყოფილება.
• ფინანსური მართვა: ბიუჯეტის დაგეგმვა, ფინანსური ანგარიშგება და შემოსავლის/ხარჯების ოპტიმიზაცია.
• მარკეტინგი და გაყიდვები: სასტუმროს პოპულარიზაცია, ახალი კლიენტების მოზიდვა და ტურისტული პაკეტების გაყიდვა.
• კადრების მართვა: პერსონალის შერჩევა, სწავლება და მოტივაციის ამაღლება.
• კრიზისების მართვა: გაუთვალისწინებელი სიტუაციების მართვა და მათი სწრაფი გადაწყვეტა.